Älpler-Chilbi - JK Alpenrösli Münsingen, E Gruess us em Aaretal 1977
Älplerchilbi
Robert Fellmann
- F -
- 1 -
Klub: Wenn's Guuferwärts rötet so wärche mir scho
und singe i Morge will d'Chilbi isch cho.
Solo T oder 1.B:
Bi Hütte und Staffel äs lüten ä Lust.
Klub: Ju hee juzid d'Chüejer us freudiger Brust
us de Brust:
Hütt isch es Chilbi und Gschaui am Haag
(Tannehag),
isch für eus Hirte de Schmalzchüechlitag,
hänkid wiä Gmeindröt mit Schlückli näh y,
lönd i keim Gutter äs Tröpfli la sy,
lönd i keim Gutter äs Tröpfli la sy.
- 2 -
Klub: Wiä fröhli ziehnd d'Schwander vom Täli daher
und Senne ab Arni keis Pfädli isch leer.
Solo T oder 1.B:
De Aetti findt s'Müetti de Christe sy Beth.
Klub: Grüess Gott fragt de Chilchler wo händer my Greth
woll my Greth.
Gsehschi am Seeli mit fynem Gschmäus gah
(obsi gah),
Chüejerbuebauge müend s'bäägge vertha,
Schneeruchi Gäget hed zügige Wind,
Städterbueb pak di sonsch gids uf de Grind,
Städterbueb pak di sonsch gids uf de Grind.
- 3 -
Klub: Zum Chilbiha Musig und tanze bis gnue,
ghört wiene Maas Rote no s'Schwinge derzue.
Solo T oder 1.B:
Mit Brienzer im Churze wird grangget und g'ruzt.
Klub: Hej o iez isch dusse de Fränzi hed butzt
är hed butzt.
Meitschi gschau d'Landschaft im farbige Gwand
(Sennegwand),
leggem de Chranz uf als König im Land,
hätter no strüber am Chittelfrak gnoh,
du mit dym Härzli du magsche de scho,
du mit dym Härzli du magsche de scho.