Am Jodlertisch
Fred Kaufmann
- F -
- 1 -
Wenn Jodler zäme sind,
so gids e gfreuti Sach.
S’wird ned politisiert,
es gid kei böse Krach.
E fröhlichs Jodellied,
das wird zum Beschte g’gee.
„Myn liebe, alte Fründ
was wotsch denn du no meh?
Myn liebe alte Fründ ........“
- 2 -
O doch, en wysse Wy,
der g’hört doch au derzue,
so mag de erscht Tenor
ganz ring i d’Höchi ue.
Do meint im zweite Bass,
e liebe, alte Knab:
„Mit wyssem Wy, jawohl,
do mag i guet durab,
mit wyssem Wy, jawohl, (2. Bass..............)
- 3 -
Jo d’Stimmig die isch guet,
Humor isch do derby.
A üsem Jodlertisch,
do magsch du gmüetlich sy.
Doch goht die schöni Zyt
nur allzu rasch verby,
drum schnell no mol es Lied
und au no-mol chly Wy,
drum schnell no-mol es Lied
und (2. Bass .................).