Bärnerart
Paul Müller-Egger
- 1 -
Mi redt üs Bärner öppe na,
mir sige ruchi Lüt.
Muesch halt der Heer deheime lah,
mit Treu und Glaube zue'n is cho,
de tüe der d'Bärnermutze nüt,
de tüe der d'Mutze nüt.
(2x)
Und wenn si ou chly tappig sy,
mi freuts, dass i e Bärner bi.
- 2 -
E rächte Ma het d'Heimat gärn
und ds Volk us jedem Stand.
Drum isch mir lieb mis alte Bärn,
hür gwüss nid minger weder färn
und ds ganze schöne Bärnerland,
und ds ganze Bärnerland.
(2x)
Drum bin i ou, es blibt derby,
so stolz, dass i e Bärner bi.
- 3 -
E brave Kärli isch der Mutz,
guetmüetig, lieb und treu.
Doch plag ne nid! Erwacht si Trutz,
de seit er d'Meinig churz und mutz
und jagt di öppe gleitig hei,
und jagt di gleitig hei.
(2x)
E rächte Mutz, dä hüchlet nie;
drum freuts mi, dass i Bärner bi.