Bärnerland, b'hüet Gott
Johann Rudolf Krenger
- 1 -
Es chunnt e frohe Hirtechnab
dür ds Heimatland us z’gah,
bi allne heitre Lütlene
blibt är es Wyli stah,
blibt är es Wyli stah.
De faht er a u singt
u jutzt i Liedre wohlbekannt,
i Wyse schön u heimelig: „
Bi üs im Bärnerland“
- 2 -
Er geit i ds Tal u stigt uf d’Weid
u singt sis schöne Lied,
wie d’Lerche, die dür blaui Luft
d’r Sunn entgäge zieht,
d’r Sunn entgäge zieht.
Er steit bald uf em höchschte Gütsch
u luegt dür ds wite Land,
a allne Felse `s widerschlat:
Grüess Gott mis Bärnerland!“
- 3 -
Doch jetze isch die Zyt verby
mit üsem Jodelchnab.
Will är sis letschte Lied het gäh,
gryft är zum Wanderstab,
gryft är zum Wanderstab.
Nimmt Abschied vo de Fründen all,
git d’Hand nach hüscht u hott:
„So läbet wohl, ihr Sängerlüt,
du Bärnerland, b’hüet Gott!“