Ds Ankebälli
Adolf Stähli
- G -
- 1 -
Ja, ja, d’Ankebälli blüeje ja scho,
dunde im Möösli, heit ihr’s vernoh?
Heit ihr’s vernoh?
S’isch fei e chly gelb dem Bächli na
(dem lutere Bächli na)
du chasch e ganze Arm voll ha!
Ja, ja d’Anke-bälli blüeje ja scho!
- 2 -
Mag fascht nümme warte bis i cha gah
u dert vom Bächli Blüemeli ha!
Blüemeli ha!
I bringe dem Müetti gern im Mai
(i bringe ihm gern im Mai)
es Strüssli Ankebälli hei!
Ja, ja d’Anke-bälli blüeje ja scho!
- 3 -
Es drolligers Blüemli chasch du nid ha;
mit volle Bäggli lachet’s di a,
lachet’s di a!
Gäll Blüemli du luegsch so heiter dry
(so fründlich und heiter dry)
will’d chasch am Bärg daheime sy?
Ja, ja d’Ankebälli blüeje ja scho!