Ds Heimatlied
Jules Thomas Hübscher
- 1 -
Es schwingt e Ton de Firne nah
dür's ganze Schwyzerland
u schlaht i allne Härze'n a,
ergryft e jede Stand.
S'isch ds ewig schöne Heimatlied
wo uf de Bärge klingt,
wenn d'Alphorntön dür d'Täler zieh,
der Senn sy Jodel singt.
- 2 -
Es ligt im alte Heimatlied
die ganzi Schwyzergschicht.
Vom Tälleschuss zum Winkelried,
vo Chrieg u Gottesgricht.
Es läbt i jedem Schwyzer drinn,
bringt Freud u Leid a Tag,
u dä versteit der richtig Sinn
wo fröhlich singe mag.
- 3 -
Im Heimatlied ligt Heimatluft
u alti Schwyzerchraft,
es het scho über mängi Kluft
der Wäg zur Freiheit gschafft.
Drum sing u jutz us voller Bruscht
u bsinn di nid so lang,
es Lied voll froher Heimatlust,
es Lied uf's Schwyzerland.