Fründe wei mer sy
Ewald Muther
- 1 -
Wenn'd junge bisch voll Chraft,
voll Fröid und ds Läbe di verwöhnt;
wenn ds Glück di uf de Hände treit
und jede dir das gönnt.
Solo:
De sing mit dine junge Fründe,
mit dine junge, tröie Fründe,
de sing mit dine junge Fründe,
mit dine tröie (Bässe: mit dine junge) Fründe.
Jutz
Tröji Fründe wei mer sy, immer Fründe zäme sy!
- 2 -
Wenn'd schpäter zmitz im Läbe schteisch
und mängs dir Sorge bringt;
wenn du em Alltag nid entgeisch,
los doch, we ds Lied erklingt.
Solo:
de sing mit dine wahre Fründe,
mit dine wahre, tröie Fründe,
de sing mit dine wahre Fründe,
mit dine tröje (Bässe: mit dine wahre) Fründe.
Jutz
Tröji Fründe wei mer sy, immer Fründe zäme sy!
- 3 -
Wenn ds Läbe dir ou Schtunde bringt,
wo'd dra grad fasch zerbrichsch;
wenn töiff i dir es Lied nöi klingt
und du ds Glück wieder gschpürsch:
Solo:
de sing mit dine alte Fründe,
mit dine alte, tröje Fründe,
de sing mit dine alte Fründe,
mit dine tröie (Bässe: mit dine alte) Fründe.
Jutz
Tröji Fründe wei mer sy, immer Fründe zäme sy!