Gwitternacht
Emil Wallimann
- 1 -
Gwitternacht,
Ghörsch du, wie's dusse kracht;
schnälli Blitz
erhelled s ganze Tal.
und uf's Mal,
da setzt der Dunner ii;
s dünkt mich
grad voller Gfahr.
Doch jedes Pflänzli freut sich dra,
s hätt scho lang nüüt z trinke gha;
s isch gar so heiss und troche gsii,
doch jetzt isch das verbii.
S'isch Gwitternacht,
äs blitzt und kracht!
JODEL
Äs blitzt und kracht,
s'isch wieder Gwitternacht!
- 2 -
Gwitternacht,
ghörsch du wie d Türe kracht;
s'Nachbars Fritz,
är chunnt vom Jasse hei.
Und me gseht
ihm scho vo wiitem a,
är isch de nid allei.
Was chunsch so spät,
wenn's du doch weisch,
dass ja chum es Glas vertreisch;
ha gwüss scho Angscht und Chummer gha,
chasch du äch das verstah?
Es blitzt und kracht,
Jetzt Fritz, guet Nacht!
JODEL
S'isch Gwitternacht,
oje mi Fritz, guet Nacht!
- 3 -
Gwitternacht,
ghörsch du, wie's dusse kracht;
s rieslet grad
wie grossi Chirschischtei.
Und ganz schüüch
seit da dr Chilterbueb:
"So chan i gwüss nid hei".
"De bliibsch halt da,
du liebe Fratz",
seit ganz froh si härzig Schatz
und hofft für sich grad voller Freud,
dass s Gwitter sich nid leit.
Äs schmitzt und schmatzt,
s'isch Gwitternacht!
JODEL
Äs schmitzt und schmatzt,
so schön isch d Gwitternacht!