Herbst-Symphonie
Ueli Zahnd
- 1 -
D’Sunne leit dr guldig Schimmer
über d’Räbe und dr See,
s’isch es Bild i allne Farbe,
Herbschtzyt wird es meh und meh (2x).
Gschpürsch die Rueh und ou dä Friede,
s’isch e Chraft, wo i di geit.
Nüt cha schöner sy uf Ärde,
als es Härz voll Fröhlechkeit.
- 2 -
Wie n-es Meer voll Diamante,
Perle und ou Edelschtei,
funkle d’Wälle i dr Sunne
und mis Härz wird froh und frei, (2x)
Gschpürsch die Rueh und ou dä Friede,
s’isch e Chraft, wo i di geit.
Nüt cha schöner sy uf Ärde,
als es Härz voll Heiterkeit.
- 3 -
Prächtig i de schönschte Farbe
vor mir zue dr Räbbärg schteit,
alli Böim und alli Strüücher,
hei scho ds Herbschtgwand übergleit (2x).
Gschpürsch die Rueh und ou dä Friede,
s’isch e Chraft, wo i di geit.
Nüt cha schöner sy uf Ärde,
als es Härz voll z‘Frideheit.