Mi Boum
Theres Aeberhard
- 1 -
Bi üs da schteit grad obem Hus
e prächtig schöni Linde;
gärn hätt’ i gwüsst wie alt sie isch, hät’s möge usefinde.
U hani mängisch Sorge g’ha, de bini zuere gange;
Es isch mir gsi, sie los mer zue
u d’Sorge sy de gange, u d’Sorge die sy gange.
- 2 -
Ha mir gäng gwünscht i chönnt o mal
so starch wie d’Linde wärde;
für mini Lüt möcht i da sy, u z’friede sy uf Ärde,
ha gli du gmerkt, wie schwär es isch,
im Läbe alles z’trage. Bi später wieder zu mim Boum
mit viele, viele Frage, mit viele Läbesfrage.
- 3 -
Dr Lindeboum dä rüeft mir zue,
ja ds’Läbe kennt o Sorge.
Vertrou uf Gott u freu di dra a jedem neue Morge,
läb jede Tag das dörftisch gah vo üser schöne Ärde!
De hesch du alls wo du muesch ha
für chönne glücklech zwärde, u Fride z’ ha uf Ärde.