Oberländer Kuhreihen
Adolf Stähli
- F -
- 1 -
Hie uf de Bärge im Oberland
hei üser Chüejer viel Freude,
tribe di Chueli am Morge früeh
vo de saftige grüene Weide,
ja tribe di Chueli am Morge früeh
vo de saftige grüene Weide.
Solo: Chumm sä Lobeli chumm sä sä. Jutz.
Solo: Wott der öppis z'Läcke gäh!
- JUTZ MIT BEGLEIT -
Jo ho jo ho, jo o ho lü Chueli chumm,
jo o ho lü jo ho, jo o ho lü Chueli chumm
ja chumm sä sä chumm!
- 2 -
Wenn o di Senne im Oberland
wärche vom Morge bis z'Abe,
tönt doch e fröhliche Jutz i ds Tal
vo de luschtige Chüejerchnabe,
so tönt doch e fröhliche Jutz i ds Tal
vo de luschtige Chüejerchnabe.
Solo: Wär de Chüeh zum Mälche singt. Jutz.
Solo: Geng der Chübel volle bringt!
- JUTZ MIT BEGLEIT -
- 3 -
Heit ihr scho gseh wie bi üs
am Bärg mälchegi Chrütleni wachse:
das git dem Chäs de di gueti Chuscht
u Chüeh so feiss wie Dachse,
ja das git dem Chäs de di gueti Chuscht
u Chüeh so feiss wie Dachse.
Solo: Luschtig isch di Chüejerzyt. Jutz.
Solo: Wes viel Chäs u Anke git!
- JUTZ MIT BEGLEIT -
- 4 -
Hie choufe Pure vom Underland
Chueli u Stieren u Chälber;
meine si heige di schönschti War
doch di brävschti di bheimer sälber,
si meine si heige di schönschti War
doch di brävschti di bheimer sälber.
Solo: Drum gsehsch hie im Oberland. Jutz.
Solo: Geng der prächtigscht Chüejerstand!
- JUTZ MIT BEGLEIT -