S'Schwyzerland
Robert Fellmann
- 1 -
Äs git äs Land uf üser Wält
fascht zmitz drinne liyds
i syner Pracht stahts einzig da
nur s Paradys chönnt d Stange ha
und heisse duet mers s Schwitzerland
und heisse und heisse tüemers d Schwitz.
- 2 -
Sigs höch am Bärg sigs wyt im Land
me wohnt mit Freude drinn
de Gletscherfirn im Sunnestrahl
der blaui See im grüene Tal
macht eim so frohe Läbessinn
Macht eim macht eim so heitre Sinn.
- 3 -
Wer üser Schwitz der Rügge chehrt
und giengs ou gar nid wyt
de gspürt nur z bald der alti Schmärz
i d Auge fahrt er usem Härz
und heisst halt Schwyzerlängizyt
und heisst und heisst halt Längizyt.