z'Alp
Robert Fellmann
- 1 -
Ihr Manne es taget!
Ds guet Wätter het g'haget,
s'geit z'Alp,
Restklub: mir fahre hüt z'Alp
Klub: Gseh Geissbueb horne dür d'Gässeli us,
hütt ziehsch du e allne vorus.
S'muess einisch es bitzli der kehrti Wäg gah,
die Chlyne de Grosse vorah.
Begleit Zwischenjutz:
Ds Horne nit gspart.
S'walt Gott uf d'Fahrt!
Jodelbegleit:
Chumm, chumm, sä sä chumm.
Lobeli chumm chum, Lobeli chumm.
Chumm, chumm, sä sä chumm.
Lobeli sä sä chumm, chumm. Chumm!
- 2 -
Näht d'Chlopfere vüre,
si müesse'n is ghöre
im Dorf.
Restklub: üs ghöre im Dorf.
Klub: S'muess treichle dür d'Fänschter dür Türe u Tor,
s'muess lüte u jutze im Chor.
Gäht use a Freude der hingerschti Räscht,
s'isch Summer s'geit z'Alp, es isch Fescht.
Begleit Zwischenjutz:
Ds Jutze nit gspart.
S'walt Gott uf d'Fahrt!
Jodelbegleit:
wie 1. Strophe
- 3 -
No z'letscht uf e Chahre,
s'isch vieri, s'wird gfahre
heja,
Restklub: s'wird gfahre heja.
Klub: Jetz Bhüetigott alli ihr Liebe daheim,
chöit's gloube mir tuschdi mit keim!
Üs wartet jetz ds Läbe uf sunniger Weid,
wo d'Alpeluft d'Sorge vertreidt.
Begleit Zwischenjutz: Ds Lobe nit gspart.
S'walt Gott uf d'Fahrt!
Jodelbegleit:
wie 1. Strophe