Äti, sing mit mir!
Text und Melodie: Bruno Mathys, Chorsatz: Emil Wallimann
- C -
- 1 -
Scho als Chli han i viu gsunge
geng e Melodie im Härze treit
und es Jützi uf dr Zunge,
wüu i gmerkt ha, dass mi Äti fröit.
I ha denn nid gfragt wieso,
dass ihm wäge mir si d'Träne cho.
- 2 -
Itze isch mi Äti nümme,
singt jtz nüm mit mir u lost mr zue.
U glich gspüren i bim Singe
töif i mir e ganz vertrouti Rueh.
Gspüre ihn ganz naach bi mir,
Äti, singe tuen i geng mit dir!
- 3 -
Gseh mi Bueb jtz umespringe,
zablig, wiud u voller Läbesmuet.
Grad voletscht faht är a singe,
sini Stimm tuet i mim Härze guet.
Ha mi gfröit u gmerkt drbi,
dass bi mir du d'Träne tröpflet si.