Soldanelle
Adolf Stähli
- A -
- 1 -
Vo Alperos' u Männertreu
weis gar mängs Lied z verzelle,
doch keis dervo ertönt so neu,
wie das (1.&2.B: wie das) vo'r Soldanelle;
lueg eis das Blüemli a! (1.B: Blüemli a)
Mi kennt's uf grüener Alpeweid,
wil's gar es luschtigs Röckli treit.
Mi kennt's uf grüener Alpeweid,
wil's gar es luschtigs (1.B: Sunntigs-)Röckli treit.
- 2 -
No halbewäg isch Winter gsy,
won i scho zBärg bi ggange;
wen i ds erscht aper fläckli gseh,
packt mi (1.&2.B: packt mi) es Bärgverlange,
mues i i dHöchi gah! (1.B: Höchi gah!)
Ha z nächscht am Bach, bim letschte Schnee,
die erschte Soldanelle gseh!
Ha z nächscht am Bach, bim letschte Schnee,
die erschte Solda- (1.B: Solda-)nelle gseh!
- 3 -
I weis du bisch ke Orchidee,
wo lüüchtet us der Wyti
u glych han i, na Froscht u Schnee,
na dir (1.&2.B: na dir) chli Lengizyti,
es eigets Plange gha. (1.B: Plange gha.)
Oh Soldanelle, zart u chly,
du lüttisch mir der Früehlig y!
Oh Soldanelle, zart u chly,
du lüttisch mir der (1.B: mir der) Früehlig y!